काठमाडौं । नेपाल भ्रमणमा रहेका भारतीय स्थल सेनाध्यक्ष जनरल धीरज सेठले नेपाली सेनाका प्रधान सेनापति महारथी अशोक राज सिग्देलसँग भेटवार्ता गरेका छन्।

आइतबार काठमाडौं आइपुगेका भारतीय स्थल सेनाध्यक्ष सेठले सोमबार जङ्गी अड्डामा प्रधान सेनापति सिग्देलसँग भेटवार्ता गरेका हुन्।

भेटका क्रममा दुवै पक्षबीच आपसी हितका विषय तथा नेपाल–भारतबीचको पारस्परिक सैन्य सम्बन्धलाई थप सुदृढ बनाउने विषयमा छलफल भएको नेपाली सेनाले जनाएको छ।

सेठको नेपाल भ्रमणका क्रममा दुई देशका सेनाबीचको सहकार्य, आपसी सम्बन्ध र सैन्य सम्बन्धलाई थप मजबुत बनाउने विषयमा समेत छलफल भइरहेको छ।

नेपाली सेना र भारतीय सेनाबीच लामो समयदेखि उच्चस्तरीय भ्रमणसँगै विभिन्न सैन्य सहकार्य हुँदै आएको छ। नेपाल र भारतका सेनापतिलाई एकअर्का देशमा मानार्थको दर्ज्यानी चिह्न प्रदान गर्ने परम्परासमेत रहँदै आएको छ।