काठमाडौँको त्रिपुरेश्वरमा आगलागी भएको छ। त्रिपुरेश्वरस्थित राहदानी विभाग नजिकै रहेको एउटा चिया पसलमा आगलागी भएको जिल्ला प्रहरी परिसर काठमाडौँका एसपी पवन भट्टराईले जानकारी दिएका हुन्।

आगलागी सुरु भएलगत्तै आगोलाई नियन्त्रणमा लिनका लागि सुरक्षाकर्मीको टोली र दमकल परिचालन गरिएको छ। आगलागी कसरी र के कारणले भयो भन्नेबारे अहिलेसम्म स्पष्ट कारण खुल्न सकेको छैन। घटनाको विस्तृत विवरण र क्षतिको अवस्था आउन बाँकी छ।