सुनसरी, — सुनसरीको Inaruwa मा मोटरसाइकल दुर्घटना हुँदा एक जनाको मृत्यु भएको छ भने दुई जना घाइते भएका छन्।

जिल्ला प्रहरी कार्यालय सुनसरीका अनुसार झुम्काबाट इनरुवातर्फ जाँदै गरेको प्रदेश १–०२–०४३ प ५८२२ नम्बरको मोटरसाइकल आइतबार राति करिब ११ बजे सडक छेउमा रोकिराखिएको को १ख ५१२८ नम्बरको टिपरमा पछाडिबाट ठोक्किँदा दुर्घटना भएको हो।

दुर्घटनामा मोटरसाइकल चालक इनरुवा–८ का २९ वर्षीय विनोद चौधरी गम्भीर घाइते भएका थिए। टाउकोमा गहिरो चोट लागेका उनलाई उपचारका लागि विराटनगरस्थित विराट नर्सिङ होम लगिएको भए पनि उपचारकै क्रममा उनको मृत्यु भएको प्रहरीले जनाएको छ।

त्यस्तै मोटरसाइकलमा पछाडि सवार इनरुवा–८ का २० वर्षीय आर्यन चौधरी र २८ वर्षीय आशिष चौधरी घाइते भएका छन्। उनीहरूको उपचार भइरहेको छ।

टिपर चालक सुनसरीको Koshi Rural Municipality–३ का ४८ वर्षीय लालमोहमद मियाँलाई इलाका प्रहरी कार्यालय पकलीले नियन्त्रणमा लिएको जिल्ला प्रहरी कार्यालय सुनसरीले जनाएको छ।

प्रहरीका प्रारम्भिक अनुसन्धानअनुसार मोटरसाइकल चालकको लापरबाही र तीव्र गतिका कारण दुर्घटना भएको देखिएको छ। थप अनुसन्धान भइरहेको प्रहरीले जनाएको छ।