काठमाडौं । नेकपा एमालेले केन्द्रीय सदस्यहरूको कार्यविभाजनसम्बन्धी प्रस्तावलाई अन्तिम रूप दिन अध्यक्ष KP Sharma Oli र महासचिव Shankar Pokharel लाई जिम्मेवारी दिएको छ।

भक्तपुरको गुण्डुस्थित ओली निवासमा बसेको सचिवालय बैठकले प्रस्तुत प्रस्तावमा आएका सुझाव समेट्दै आवश्यक परिमार्जनपछि अध्यक्षले अन्तिम रूप दिने निर्णय गरेको हो।

पार्टीले आगामी स्थानीय तह निर्वाचनलाई ध्यानमा राख्दै केन्द्रीय सदस्यहरूलाई स्थानीय तह केन्द्रित जिम्मेवारी तथा जनसङ्गठनहरूको इञ्चार्जको भूमिका दिने तयारी गरेको छ।

बैठकले पार्टी पुनर्गठन र प्रतिनिधिसभा निर्वाचन समीक्षाबारे अध्ययन गर्न उपाध्यक्ष रामबहादुर थापा ‘बादल’को संयोजकत्वमा कार्यदल पनि गठन गरेको छ।

यसैबीच एमालेले बल्खुस्थित आफ्नै जग्गामा केन्द्रीय कार्यालय भवन निर्माण गर्ने निर्णय गरेको छ भने आउँदो असार दोस्रो साता केन्द्रीय कमिटी बैठक बस्ने तय भएको छ।