काठमाडौं, १९ माघ – अमेरिकी नागरिक एक जनालाई नेपालमा अन्तराष्ट्रिय ‘फण्ड’ उठाउने उद्देश्यका कारण पक्राउ गरिएको छ। नेपाली कांग्रेसका सभापति गगन थापादेखि एमाले अध्यक्ष केपी शर्मा ओलीसम्मका नेताहरूको नाम लिएर रकम उठाउने प्रयास गरेको आरोपमा उनलाई अध्यागमन विभागले अनुसन्धान अघि बढाएको छ।

अध्यागमन विभागका प्रवक्ता टिकाराम ढकालका अनुसार, पक्राउ परेका अमेरिकी नागरिकले कलेजको वेबसाइटहरूमा ‘आवर डाइनामिक टिम’ भन्ने शीर्षकमा विभिन्न राष्ट्रिय नेताहरूको नाम र तस्बिर राख्दै अन्तराष्ट्रिय फण्ड उठाउने प्रयास गरेको भेटिएको छ। यस क्रममा १३ जना नेपाली नेताहरूको नाम उल्लेख गरिएको थियो, जसमा केपी शर्मा ओली, गगन थापा, आरजु राणा देउवा, महेश बस्नेत र विनादे चौधरी रहेका छन्।

प्रवक्ता ढकालका अनुसार, ती वेबसाइटमा ‘लाइब्रेरी’, ‘क्याम्पस सर्भिस’ र ‘प्रशासनिक टिम’ जस्ता अन्य प्रतिष्ठित व्यक्तिहरूको नामसमेत राखिएको थियो। ‘निकलेज इडीयू एनपी’ नामक वेबसाइटमा कोरियन, एआई सफ्टवेयर इन्जिनियरिङ, बिजनेस् स्टडिज लगायतका कोर्सहरूको प्रचार गरिएको थियो।

साथै, उक्त कलेजले त्रिभुवन विश्वविद्यालय र पोखरा विश्वविद्यालयबाट सम्बन्धन प्राप्त भएको प्रचार गरेको भए पनि आधिकारिक प्रमाणपत्र पेश गर्न सकिएको छैन।

अध्यागमन विभागका अनुसार, पक्राउ परेका अमेरिकी नागरिक २०१४ देखि नेपाल भ्रमण गर्दै आएका छन् र १२ वर्षको अवधिमा ५० भन्दा बढी पटक नेपाल आएका छन्। उनी पर्यटक, वर्किङ र व्यवसायिक भिसामा नेपाल आउने गरेको र व्यवसायिक भिसा लिनका लागि ‘कमसिड नेपाल प्रालि’ नामक कम्पनी दर्ता गरेको पाइएको छ।

अमेरिकी नागरिक नेपालमा चर्च प्लान्टिङ लगायतका गतिविधिमा संलग्न भएको प्रमाण पनि भेटिएको छ। हाल उनीमाथि अनुसन्धान जारी छ।