काठमाडौँ — राजधानीको भृकुटीमण्डपमा जारी नेपाली कांग्रेसको विशेष महाधिवेशनमा नेता तथा कार्यकर्ताहरूको उल्लेख्य उपस्थिति देखिएको छ।

महाधिवेशनलाई सम्बोधन गर्दै पार्टीका महामन्त्री गगनकुमार थापाले महाधिवेशन नै पार्टीको सर्वोच्च निकाय भएको उल्लेख गर्दै यसले चाहेमा नेतृत्व र नीति दुवै परिवर्तन गर्न सक्ने बताएका छन्।

“महाधिवेशनले चाहेमा नेता पनि छान्छ, नीति पनि बदल्छ र आवश्यक परे विधानसमेत परिवर्तन गर्छ,” थापाले भने।

उनको सम्बोधन सुन्नका लागि साँझसम्म भृकुटीमण्डपमा नेता–कार्यकर्ताहरूको भीड लागेको थियो। विशेष महाधिवेशनले पार्टीको भावी दिशा तय गर्ने अपेक्षाका बीच सहभागीहरूको उत्साह उल्लेखनीय देखिएको छ।