नेपाली कांग्रेस केन्द्रीय कार्यसमितिको बैठकले निर्वाचन आयोगले गरेको निर्णयको कडा विरोध गर्ने निर्णय गरेको छ। पार्टी कार्यवाहक सभापति पूर्णबहादुर खड्काको अध्यक्षतामा भएको बैठकले पार्टीको विधान र कानुनको उल्लङ्घन भएको ठहर गर्दै आवश्यक कानुनी तथा राजनीतिक कदम चाल्ने योजना बनाएको छ।

बैठकले निर्णय अनुसार निर्वाचन आयोगको शुक्रबार हिजोको निर्णयले पार्टीभित्र स्थापित नेतृत्व र कानुनी प्रक्रियामा हस्तक्षेप गरेको, त्यसले नेपाली कांग्रेसलाई गम्भीर क्षति पुर्‍याउन सक्ने देखिएको र लोकतान्त्रिक प्रणालीमा अप्ठ्यारो स्थिति सिर्जना गरेको छ।

साथै, बैठकले आयोगको निर्णयविरुद्ध सर्वोच्च अदालतमा मुद्दा दायर गर्न र अन्य कानुनी उपाय अपनाउन कार्यवाहक सभापति खड्कालाई अधिकार दिने निर्णय गरेको छ।\

पार्टीका मुख्य सचिव कृष्णप्रसाद पौडेलले जारी गरेको प्रेस विज्ञप्तिमा भनिएको छ, ‘निर्वाचन आयोगको निर्णयको कडा विरोध गर्दै यस बैठकले उक्त निर्णयविरुद्ध संवैधानिक र कानुनी उपचार तथा राजनीतिक प्रतिवाद गर्ने निर्णय गरेको छ।’