आगामी प्रतिनिधिसभा निर्वाचनका लागि बागलुङ क्षेत्र नम्बर १ मा राष्ट्रिय प्रजातन्त्र पार्टी (राप्रपा) का तर्फबाट कल्याण विक्रम आचार्यले उम्मेदवारी दर्ता गराएका छन् । 

राप्रपाको प्रचार–प्रसार विभाग संयोजकको जिम्मेवारी सम्हालिरहेका आचार्यले मंगलबार निर्वाचन अधिकृतको कार्यालयमा पुगेर मनोनयन दर्ता गराएका हुन् । युवा तथा बौद्धिक व्यक्तित्वको छवि बनाएका आचार्य यस निर्वाचनमा राप्रपाका कान्छा उम्मेदवारका रूपमा चर्चामा छन् । 

राप्रपाले निर्वाचनमा युवा नेतृत्वलाई अघि सार्ने नीति अघि सारेको छ । सोही नीति अनुरूप पार्टीले आचार्यलाई बागलुङ–१ को चुनावी मैदानमा उतारेको हो ।