प्रतिनिधि सभा सदस्य निर्वाचनका लागि धादिङ निर्वाचन क्षेत्र नम्बर १ मा  आशिका तामाङको उम्मेदवारी कायमै रहेको छ । राष्ट्रिय स्वतन्त्र पार्टी(रास्वपा)बाट उम्मेदवारी दिएकी तामाङको उम्मेदवारी कायम रहेको निर्वाचन अधिकृतको कार्यालयले जनाएको छ । 

शुक्रबार तामाङ कार्यालयमा उपस्थित भएर उम्मेदवारीबारे उठेका प्रश्नहरूबारे प्रस्ट पारेसँगै उनको उम्मेदवारी कायम रहेको निर्वाचन अधिकृत एकराज अधिकारीले जानकारी दिए । 

‘शुक्रबार उहाँ आफै कार्यालयमा उपस्थित हुनुभयो र केही विषयमा प्रस्ट पार्नुका साथै उम्मेदवारी फिर्ता नलिने बताउनुभयो’, अधिकारीले भने, ‘त्यसका आधारमा उहाँको उम्मेदवारी कायम रहेको निर्णय गरेर नाम प्रकाशित भयो ।’