निर्वाचन आयोगको सुरक्षा व्यवस्था चुस्त पारिएको छ । नेपाली कांग्रेसका दुबै पक्षका नेता–कार्यकर्ताहरु आमनेसामने हुने अवस्था आएपछि आयोग रहेको बहादुर भवनको सुरक्षा चुस्त पारिएको हो ।

अहिले आयोगमा गगन थापा नेतृत्वको कांग्रेसका नेताहरु भेला भएका छन् । देउवा नेतृत्वको कांग्रेसका नेताहरु पनि आयोगतिरै जाँदैछन् । यस्तो अवस्थामा सम्भावित परिस्थितिलाई मध्यनजर गर्दै बहादुर भवन आसपास सुरक्षाकर्मी तैनाथ गरिएको छ ।

अहिले कांग्रेस (गगन) का कार्यकर्ताहरु आयोगमा धर्ना बसेका छन् । केही समयअघि पार्टी केन्द्रीय कार्यालय सानेपामा पत्रकार सम्मेलनको आयोजना गर्दै कांग्रेस (शेरबहादुर) का कार्यवाहक सभापति पूर्णबहादुर खड्काले आफूहरुले आधिकारिकता नपाए आन्दोलन गर्ने चेतावनी दिएका थिए ।