नेपाली कांग्रेस देउवा समूहका कार्यवहाक सभापति पूर्ण बहादुर खड्काले गगन समूहलाई आधिकारिता प्रदान गर्ने निर्वाचन आयोगको निर्णय मान्य नहुने बताएका छन् ।

शुक्रबार निर्वाचन आयोग परिसरबाहिर सञ्चारकर्मीसंग कुरा गर्दै खड्काले आयोगले एकपक्षीय ढंगले निर्णय गरेको भन्दै आयोगको निर्णय खारेज गर्ने बताए ।

उनले आयोगको निर्णय सेटिङमा भएको आरोप लगाउदै वैधानिक, राजनीतिक र कानुनी सबै लडाइँ लड्ने उल्लेख गरे । खड्काले आयोगको निर्णय स्थापित नजिरको विरुद्धमा रहेको बताए ।

निर्वाचन आयोगले कांग्रेस विवादको निरुपण गर्दै गगन थापालाई आधिकारिकता प्रदान गरेको हो ।