नेकपा (एमाले)ले फागुन २१ गते हुने प्रतिनिधिसभा निर्वाचनका लागि मकवानपुरका दुई निर्वाचन क्षेत्रबाट नौ जनाको नाम सिफारिस गरेको छ । निर्वाचन क्षेत्र नम्बर–१ बाट सात जना र क्षेत्र नम्बर–२ बाट दुई जनाको नाम सिफारिस गरेको हो ।

एमाले मकवानपुर निर्वाचन क्षेत्र नम्बर–१ को बैठकले प्रतिनिधिसभा सदस्यका लागि केन्द्रीय सदस्य रामेश्वर राना र एकालाल श्रेष्ठ, जिल्ला उपाध्यक्ष हिदम लामा तथा पार्टी नेताहरू मदनकुमार दाहाल, कृष्णप्रसाद दाहाल, रामचन्द्र राई र नारायण सापकोटाको नाम सिफारिस गरेको छ ।

यसैगरी, मकवानपुर निर्वाचन क्षेत्र नम्बर–२ को बैठकले नेकपा एमालेका केन्द्रीय सदस्य तथा निवर्तमान सचेतक महेश कुमार बतौला र सुवास चन्द्र ठकुरीको नाम सिफारिस गरेको छ ।