वाणिज्य आपूर्ति तथा उपभोक्ता संरक्षण विभागले तीन फर्मलाई १ लाख १० हजार रुपैयाँ जरिवाना तिराएको छ ।  मूल्य सूची तथा दर्ता प्रमाणपत्र नराखेको पाइएपछि आरोहण फेसन  क्राफ्ट प्रालि र साधना सप्लायर्सलाई  ५०/५० हजार रुपैयाँका दरले जरिवाना तिराएको छ ।

यसैगरी बिलबिजक नराखेको पाइएपछि सम्झना अचार उद्योगलाई १० हजार जरिवाना तिराएको विभागले जनाएको छ । विभागले आइतबार १७ वटा व्यावसायिक फर्म तथा उद्योगमा अनुगमन गरेको थियो । 

त्यसमध्ये तीन वटालाई तीन दिनभित्र विभागमा कागजातसहित उपस्थित हुन निर्देशन दिएको छ भने ११ वटा फर्मलाई सामान्य निर्देशन दिएको छ ।