काठमाडौं — मोरङ र बागलुङमा भएका सवारी दुर्घटनामा परेर दुई जनाको मृत्यु भएको छ।

मोरङको सुनवर्षी नगरपालिका–४ कासिजामस्थित सडकमा मे.११ प १४० नम्बरको मोटरसाइकलको ठक्करबाट ६२ वर्षीय जयराम प्रसाद दासको बिहीबार राति मृत्यु भएको हो। उनी ठक्करपछि गम्भीर घाइते भएका थिए र रंगेली अस्पताल रंगेलीमा उपचारको क्रममा निधन भएका हुन्। मोटरसाइकल चालक घाइते भएका छन् र मकालु अस्पताल विराटनगरमा उपचाररत छन्।

त्यस्तै, बागलुङ नगरपालिका–४ कुंडुलेस्थित सडकमा ध.१ च. १३३६ नम्बरको जिपको ठक्करबाट काठेखोला गाउँपालिका–१ धैरेनी बस्ने शिवप्रसाद शर्माको ५ वर्षीय छोरा सूर्य ढुङ्गानाको बिहीबार साँझ मृत्यु भएको छ। उनी ठक्करपछि गम्भीर घाइते भएका थिए र धौलागिरि प्रादेशिक अस्पतालमा उपचारको क्रममा निधन भएको हो। जिप चालकलाई प्रहरीले नियन्त्रणमा लिएको छ।

दुवै दुर्घटनाको सम्बन्धमा प्रहरीले आवश्यक अनुसन्धान जारी राखेको जनाएको छ।