जेन–जी आन्दोलनपछि चर्चामा आएका काठमाडौं महानगरका मेयर बालेन शाहले शनिबार राति सामाजिक सञ्जालमा आपत्तिजनक टिप्पणी गरेका छन्।

उनले स्टाटसमा अमेरिका, भारत र चीनका साथै एमाले, कांग्रेस, माओवादी केन्द्र, राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)प्रति विरोध जनाएका थिए। स्टाटसमा उनले लेखेका थिए, *“तिमीहरू सबै मिलेर केही गर्न सक्दैनौ।”*

उनले उक्त स्टाटसमा आपत्तिजनक अंग्रेजी शब्द पनि प्रयोग गरेका थिए।

चर्को आलोचनापछि उनले उक्त स्टाटस हटाएका (डिलिट गरेका) छन्। उनले आफ्नो वालबाट स्टाटस मेटाए पनि त्यसको स्क्रिनसर्ट सामाजिक सञ्जालभर फैलिएको छ।