काठमाडौं, १६ कात्तिक– माइतीघर क्षेत्रमा प्रदर्शनमा सहभागी एक युवकलाई प्रहरीले नियन्त्रणमा लिएको छ।

प्रदर्शनकारीहरूले निवर्तमान प्रधानमन्त्री केपी शर्मा ओली र निवर्तमान गृहमन्त्री रमेश लेखकसहित केही अन्य व्यक्तिहरूलाई पक्राउ गर्न माग गर्दै प्रदर्शन गरेका थिए। जेनजी आन्दोलनसँग सम्बन्धित घटनामा यी व्यक्तिहरूलाई जिम्मेवार ठहर गर्नुपर्ने भन्दै युवाहरू सडकमा उत्रिएका थिए।

प्रदर्शनका कारण केहीबेर माइतीघर क्षेत्रमा सवारी आवागमन अवरुद्ध भएको थियो। यसअघि पक्राउ परेका र गाँजा सेवनको मुद्दामा फसेका अभियन्ता निकोलस भूसाल पनि आज माइतीघरमा प्रदर्शनमा सहभागी हुने बताएका छन्।

प्रशासनले पहिले नै काठमाडौंका विभिन्न क्षेत्रमा निषेधित क्षेत्र घोषणा गरी प्रदर्शन रोक लगाएको थियो।