१६ कात्तिक, काठमाडौं ।सरकारले चेक बाउन्सका कारण कालोसूचीमा राख्ने प्रक्रिया सहज बनाए पनि समस्या झन् बढेको छ। कर्जा सूचना केन्द्रका अनुसार वि.सं. २०८२ को बैशाखदेखि कात्तिक १३ गतेसम्म मात्रै ६ हजार ४ सय ३६ जना थपिएर हाल कुल १३ हजार ६ सय ७४ व्यक्ति तथा कम्पनी कालोसूचीमा परेका छन्।

केन्द्रका अनुसार कालोसूचीमा परेकामध्ये करिब ८० प्रतिशत चेक बाउन्सका कारण हुन्। नेपाल प्रहरीले पनि गत आर्थिक वर्षमा १६ हजार ५ सयभन्दा बढी बैंकिङ कसुरका उजुरी दर्ता भएको जनाएको छ।

अधिकारीहरूका अनुसार आर्थिक मन्दी, सहकारी संकट र नगद अभावका कारण चेक बाउन्स बढ्दै गएको छ। कानुनी सहजीकरणले अपेक्षित सुधार ल्याउन नसकेको र आर्थिक कारोबारमा असर परेको बताइन्छ।