जाजरकोटकी सुत्केरी आमा र नवजात शिशुको सेनाको हेलिकप्टरमार्फत उद्धार, सुर्खेतमा उपचार जारी
जाजरकोटको कुशे गाउँपालिका–७ बाट नवजात शिशुसहित सुत्केरीको नेपाली सेनाको हेलिकप्टरमार्फत उद्धार गरिएको छ । शुक्रबार कुशे गाउँपालिका–७ की ३० वर्षीया भगवती सिंह शाहीलाई हेलिकप्टरमार्फत सुर्खेत ल्याइएको छ ।
१७ गते दुई शिशुलाई जन्म दिए पनि भगवतीको स्वास्थ्य अवस्था निकै जटिल र अत्यधिक मात्रामा रक्तस्राव भएपछि राष्ट्रपति महिला उद्धार कार्यक्रमअन्तर्गत उपचारका लागि कर्णाली प्रदेश अस्पताल सुर्खेत लगिएको प्रमुख जिल्ला अधिकारी राजु पौडेलले बताएका छन् ।
अहिले आमा र बच्चालाई कर्णाली प्रदेश अस्पतालको प्रसूति गृहमा भर्ना गरिएको उनको भनाइ छ ।
