काठमाडौँ – नेपाल उद्योग वाणिज्य महासङ्घले देशभरका जिल्ला सुरक्षा समितिमा उद्योग वाणिज्य सङ्घका अध्यक्ष वा प्रतिनिधि अनिवार्य रूपमा समावेश गर्न सरकारसँग माग गरेको छ।

महासङ्घले पछिल्ला आन्दोलन र तोडफोडका घटनाले निजी क्षेत्रको मनोबल कमजोर भएको भन्दै गृह मन्त्रालयलाई पत्र लेखेर यस्तो माग अघि सारेको हो। पत्रमा व्यावसायिक वातावरण सुरक्षित राख्न, जोखिम मूल्याङ्कन र आकस्मिक निर्णय प्रक्रियामा निजी क्षेत्रको प्रत्यक्ष सहभागिता सुनिश्चित गर्न आवश्यक रहेको उल्लेख छ।