मधेश प्रदेशको नयाँ मुख्यमन्त्री नियुक्तिका लागि दुई वटा समूहले आ-आफ्नो दाबी पेस गरेपछि प्रदेश प्रमुख कार्यालयमा अहिले तनाव बढेको छ ।

मुख्यमन्त्रीका लागि दाबी पेस गरेका दुवै पक्ष  प्रदेश प्रमुख कार्यालय पुगेपछि तनाव बढेको हो । दुवै पक्षबीच हुन सक्ने सम्भावित घटनालाई मध्यनजर राखेर प्रदेश  प्रमुखको कार्यालय परिसरमा ठूलो संख्यामा नेपाली सेना सुरक्षाका लागि खटिएका छन् ।

बुधबार बिहान सुरुमा लोसपाका नेता जितेन्द्र सोनललाई मुख्यमन्त्री नियुक्त गर्न जनमतसहित ६ दलले प्रदेश प्रमुख सुमित्रा भण्डारी समक्ष ५७ सांसदको दाबी पेस गरेका थिए ।