काठमाडौँ, कात्तिक ११ — तिहार र छठ पर्वको लामो बिदा सकिएसँगै मंगलबारदेखि सिंहदरबारमा कर्मचारीहरूको उपस्थिति बढ्दै सार्वजनिक सेवा प्रवाह नियमित भएको छ।

सिंहदरबारका मुख्य सचिवालय, मन्त्रालय र विभिन्न विभागमा बिहानैदेखि कर्मचारीहरूको आवतजावत देखिएको छ। पर्वको समयमा सरकारी कार्यालयहरू बन्द भएका कारण सिंहदरबार केही दिन सुनसान थियो।

आफिस सञ्चालनसँगै गेटमा सुरक्षा जाँच, पार्किङ क्षेत्रमा सवारी साधनहरूको लाइन र फाइल बोकेर हिँडडुल गर्ने कर्मचारीहरूको दृश्यले प्रशासकीय गतिविधि फेरि सक्रिय भएको संकेत दिएको छ।