एमालेनिकट युवा संघले भोलि काठमाडौंमा आयोजना गर्ने भनेको र्याली स्थगित गरेको छ । जिल्ला प्रशासन कार्यालयले सुरक्षा संवेदनशीलता देखाउँदै अनुमति नदिएपछि र्याली स्थगित गरिएको हो । युवा संघका उपाध्यक्ष विनय शाहले भोलि र्याली नगर्ने निर्णय भएको बताए ।

उनले भने, ‘जिप्रकाले सुरक्षाका कारण अनुमति दिएन र हामीलाई पनि त्यस्तैखाले सूचनाहरु आएको छ । त्यसैले भोलि र्याली नगर्ने निर्णय गरिएको छ ।’ युवासंघले केही बेरमा पत्रकार सम्मेलन गर्दै जिप्रकाको निर्णयका विषयमा औपचारिक धारणा राख्नेछ ।