पूर्व सभामुख कृष्ण बहादुर महराविरुद्ध सरकारी वकिलले अदालतमा अभियोगपत्र पेस
काठमाडौं । पूर्व सभामुख कृष्ण बहादुर महराविरुद्ध सुन तस्करीको मुद्दामा सरकारी वकिलले जिल्ला अदालत काठमाडौंमा अभियोगपत्र दर्ता गरेका छन्। प्रहरीले आइतबार महरालाई ललितपुर खुमलटारबाट पक्राउ गरेको थियो।
महरा इलेक्ट्रिक चुरोट ‘भेप’ भित्र लुकाएर अवैध रूपमा ल्याइएको सुन तस्करीमा संलग्न रहेको आरोप छ। २०७९ पुस १० मा चिनियाँ नागरिक लि हासोङ्गले ल्याएको ७३० वटा भेप त्रिभुवन अन्तर्राष्ट्रिय विमानस्थलबाट भन्सारले जफत गरेपछि महरा र उनका छोरा राहुलले उक्त सुन छुटाउन भूमिका खेलेको आरोप छ।
सुन तस्करी नियन्त्रण आयोगले महरालाई दोषी ठहर गर्दै मुद्दा चलाउन सिफारिस गरेको थियो। अनुसन्धानमा महराले चिनियाँ सुन तस्कर दाओजिन वाङसँग चिनजान रहेको तर कारोबार नगरेको बयान दिएका छन्।
यो मुद्दामा राहुल महराले पहिलेदेखि नै पक्राउ परेका छन्। अहिले महरासहित अन्य दोषीहरूमाथि कानुनी प्रक्रिया अघि बढाइएको छ।
