काठमाडौँ। निर्वाचन आयोगका कार्यवाहक प्रमुख आयुक्त रामप्रसाद भण्डारीले लोकतन्त्रको सुन्दर पक्ष भनेको प्रतिस्पर्धात्मक प्रणालीबाट निर्वाचित भएर मुलुकमा सुशासन कायम गर्नु रहेको बताएका छन्।

मंगलबार विप्लव नेतृत्वको कम्युनिस्ट पार्टी नेपालले निर्वाचन आयोगमा दल दर्ता गर्दा बोल्दै भण्डारीले पार्टीलाई स्वागत गर्दै भने, “कानुनको दायरा भित्र रहेर प्रतिस्पर्धा गर्न दल दर्ता गर्न आउनुभएकोमा स्वागत छ।”

उनले फागुन २१ गते घोषणा भएको निर्वाचन आवधिक नभएर परिस्थितिजन्य भएकोले केही त्रुटि भए पनि यसलाई व्यवस्थित गर्न सकिनेमा जोड दिए।

भण्डारीले हालसम्म आयोगमा दर्ता भएका कम्युनिस्ट पार्टीहरूमध्ये नेपाल कम्युनिस्ट पार्टीपछि कम्युनिस्ट पार्टी नेपाल पहिलो पटक दर्ता हुनसक्ने पनि बताए।