जङ्गी अड्डा, जनसम्पर्क तथा सूचना निर्देशनालयले काठमाडौं उपत्यकाको हालको सुरक्षा अवस्थालाई ध्यानमा राख्दै निषेधाज्ञा र कर्फ्यु आदेशलाई आंशिक रूपमा खुकुलो बनाउने निर्णय गरेको छ।

निर्देशनालयले बुधबार जारी गरेको विज्ञप्तिमा काठमाडौं, ललितपुर र भक्तपुरमा नागरिकको सुरक्षा सुनिश्चित गर्न जारी आदेशलाई निरन्तरता दिँदै आवश्यकताअनुसार आवतजावतमा छुट दिन लागिएको उल्लेख छ।

सो अनुसार, भदौ २६ गते बिहान ६ बजेदेखि १० बजेसम्म र बेलुकी ५ बजेदेखि ७ बजेसम्म मात्र अत्यावश्यक कार्यका लागि आवतजावत गर्न पाइनेछ। तर, बिहान १० बजेदेखि बेलुकी ५ बजेसम्म निषेधाज्ञा यथावत रहने निर्देशनालयले स्पष्ट पारेको छ।

यस्तै, भदौ २६ गते बेलुकी ७ बजेदेखि भदौ २७ गते बिहान ५ बजेसम्म उपत्यकाभर कर्फ्यु आदेश लागू हुने जानकारी सेनाले दिएको छ।

सुरक्षा निकायका अनुसार, पछिल्लो परिस्थितिमा नागरिकको जनधनको सुरक्षा प्रमुख प्राथमिकता भएकाले नियम पालना गर्न सबैलाई आग्रह गरिएको छ।