नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)को गुल्मी–काठमाडौं सम्पर्क मञ्च नेकपा माओवादी केन्द्रमा समाहित भएको छ ।

 विप्लवनिकट नेकपाको गुल्मी–काठमाडौं सम्पर्क मञ्च आफ्नो पाँचौँ अधिवेशनको अवसरमा शनिबार माओवादी केन्द्रमा समाहित भएको हो ।

मञ्चमा रहेका नेताहरूलाई माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीमा स्वागत गरेका छन् । पार्टी प्रवेश कार्यक्रममा सम्पर्क मञ्चसँगै अन्य राजनीतिक दल परित्याग गरेर पनि धेरै नेता–कार्यकर्ता माओवादी केन्द्रमा प्रवेश भएका प्रचण्डको सचिवालयले जनाएको छ ।

सचिवालयका अनुसार माओवादी केन्द्रमा समाहित हुने नेता–कार्यकर्ताहरूमा वासुदेव पौडेल, अनिषा पन्थी, जीवन भण्डारी, चिराग पौडेल, केशव राज न्यौरे, कुशल ढकाल, सुरज पाण्डे, अर्जुन क्षेत्री, रामकृष्ण ढकाल, युवराज अर्याल, देवी प्रसाद न्यौपाने, सागर भण्डारी, सन्देश न्यौपाने, सुवास सापकोटालगायत रहेका छन् ।