बढीले रसुवा क्षेत्रका तीन फिडर अवरुद्ध
भोटेकोशी (त्रिशूली) नदीमा मंगलबार बिहान आएको बाढीका कारण रसुवास्थित कालिका सवस्टेसन (स/स) को ३३ केभी विद्युत लाइनको केही सेक्सन बगाएको छ ।
बढीले चिलिमे सवस्टेसनबाट सञ्चालित रसुवागढी, चिलिमे र साञ्जेन फिडर पूर्ण रूपमा अवरुद्ध भएका छन् ।
नेपाल विद्युत प्राधिकरण रसुवाका अनुसार प्रभावित क्षेत्रका ग्राहकलाई अस्थायी रूपमा वैकल्पिक माध्यमबाट सेवा दिन प्रयास भइरहेको छ ।
कालिकाबाट सञ्चालित फिडरहरूलाई चिलिमे सवस्टेसनमार्फत सञ्चालन गर्ने तयारी भइरहेको छ भने चिलिमे र साञ्जेन फिडरलाई स्याफ्रु फिडरमार्फत सञ्चालन गरिने छ।
विद्युत आपूर्तिमा आएको असहजतालाई न्यून गर्न तत्काल अस्थायी व्यवस्थामा जुटेको प्राधिकरणले जनाएको छ । साथै, क्षतिको विस्तृत विवरण फिल्ड भिजिट (निरीक्षण) पछि मात्र उपलब्ध हुने बताइएको छ ।
प्राधिकरणले सबै उपभोक्ताहरुलाई धैर्य र सहकार्यका लागि अनुरोध गर्दै वैकल्पिक माध्यमबाट सेवा पुर्नस्थापनामा जुटिसकेको जानकारी दिएको छ ।
