काठमाडौँ महानगरपालिका नगर सभाको १७ औँ अधिवेशन सुरु भएको छ। महानगरपालिकाका प्रमुख बालेन्द्र साहको अध्यक्षतामा गत सुक्रबार बसेको ४० औँ कार्यपालिका बैठकले आज दिउँसो २ बजे नगरसभा राख्ने निर्णय गरेको थियो।

साेही निर्णयानुसार यतिखेर राष्ट्रिय सभागृहमा नगरसभा सञ्चालन भइरहेकाे छ। आज​काे नगरसभामा बैठकमा प्रमुख बालेन्द्र साहले आगामी आर्थिक वर्षका लागि नीति तथा कार्यक्रम प्रस्तुत गर्ने छन् भने उपप्रमुख सुनिता डंगोलले बजेट पेश गर्ने कार्यसूची छ।

महानगरपालिकाको राजस्व परामर्श समितिको बैठकले आव २०८२/८३ को लागि करिब २५ अर्ब बजेटको सीमा निर्धारण गरेको छ।