एमएडब्लु वृद्धि कमर्सियल भेइकलले जेभियर इन्टरनेशनल स्कूललाई १३ वटा नयाँ फोटोन माउन्टेन ईलेक्ट्रिक स्कूल भ्यानहरू हस्तान्तरण गरेको छ, जसले वातावरणमैत्री यातायाततर्फ स्कूलको महत्वपूर्ण कदमलाई दर्शाउँछ। यो औपचारिक साँचो हस्तान्तरण कार्यक्रम काठमाडौंमा आयोजना गरिएको थियो, जसमा एमएडब्लु वृद्धि र जेभियर स्कूलका प्रतिनिधिहरूको उपस्थिति थियो।

फोटोन माउन्टेन इभी एक आधुनिक, प्रदूषणमुक्त भ्यान हो, जुन भरपर्दो प्रदर्शन, सहजता र ऊर्जा दक्षताको लागि डिजाइन गरिएको छ — विशेषगरी विद्यालयका विद्यार्थीहरूको सुरक्षित र भरपर्दो यातायातका लागि उपयुक्त छ। यसमा ५३.५८ किलोवाटको सीएटीएल ब्याट्री र १३० किलोवाट क्षमताको मोटर जडान गरिएको छ, जसले ३३० एनएम सम्मको टर्क दिन्छ र चुनौतिपूर्ण बाटाहरूमा सहजता प्रदान गर्छ। यसले उकालो चढ्नका लागि २५% ग्रेडियाबिलिटी क्षमतासहित पहाडी तथा सहरी बाटोहरूमा सहजता प्रदान गर्छ। यो भ्यानको चौडा भित्री भाग, कम सञ्चालन खर्च र वातावरणमैत्री प्रविधिले जेभियर ईन्टरनेसनल स्कुलजस्ता विद्यालयका लागि दीर्घकालीन र स्मार्ट समाधान बनाएको छ।

यी भ्यानहरू एमएडब्लु वृद्धिका सीईओ श्री तुषार गुप्ता र सेल्स हेड श्री नवीन आचार्यले विद्यालयलाई हस्तान्तरण गरेका हुन्। एमएडब्लु वृद्धि, नेपालमा फोटोन मोटर्सको आधिकारिक आयातकर्ता कम्पनी हो। यो कदमले विद्यालयको दिगो विकासप्रतिको प्रतिबद्धतालाई थप पुष्टि गर्दछ। फोटोन माउन्टेन इभीको उत्कृष्ट प्रदर्शन, न्यून सञ्चालन लागत र शून्य प्रदूषण क्षमताले यसलाई विद्यालय यातायातका लागि आदर्श विकल्प बनाएको छ। यस्ता इभी भ्यानले विद्यार्थीहरूलाई सुरक्षित र आरामदायी रूपमा ओसारपसार गर्नुका साथै विद्यालयको कार्बन उत्सर्जन घटाउन सघाउँछन्। ईलेक्ट्रिक मोबिलिटीलाई आत्मसात गरेर, जेभियरले आफ्नो लजिस्टिक्स पूर्वाधारमा सुधार गर्दैछ र अन्य साझेदारहरूको लागि पनि एक उत्कृष्ट मोडेल स्थापित गर्दैछ।

हस्तान्तरण कार्यक्रममा श्री तुषार गुप्ताले विद्यालयलाई नयाँ सोच कार्यान्वयन गरेकोमा धन्यवाद दिँदै भने, “हामी जेभियर इन्टरनेशनल स्कूलसँगको यस सहकार्यमा गर्व गर्छौं। यी इभी स्कूल भ्यानहरूले आधुनिक यातायातका आवश्यकताहरू पूर्ति गर्नुका साथै वातावरणको पनि ख्याल गर्छन्।”

त्यसैगरी, श्री नवीन आचार्यले भने, “फोटोन माउन्टेन इभीले सुरक्षा, दिगोपन, स्पेस र दक्षता सबै संयोजन गरेको छ। हामी आशावादी छौं कि यो सहकार्यले विद्यार्थी, अभिभावक र सम्पूर्ण समुदायलाई नै फाइदा पुर्‍याउनेछ।”

जेभियर इन्टरनेशनल स्कूलका प्रतिनिधिहरूले पनि यो नयाँ चरणप्रति उत्साह व्यक्त गरे। उनीहरूले वातावरणमैत्री रहँदै उत्कृष्ट शिक्षा दिने आफ्नो चाहना रहेको बताए। त्यसका लागि नै इभीमा लगानी गर्ने महत्त्वपूर्ण निर्णय गरिएको बताए।

कदमसँगै जेभियर इन्टरनेशनल स्कूल नेपालमै ठूलो संख्यामा इभी प्रयोग गर्ने पहिलो शैक्षिक संस्था बन्न पुगेको छ। यो कार्यक्रमले गाडी हस्तान्तरण मात्र नभई सफा र स्मार्ट भविष्यतर्फको साझा दृष्टिकोणलाई पनि उजागर गरेको छ।