अर्घाखाँचीमा घर प्लास्टर गर्ने क्रममा खसेर एक मजदुरको मृत्यु भएको छ । छत्रदेव गाउँपालिका–४ ओडारामा घरको प्लास्टर गर्ने क्रममा खसेर गम्भीर घाइते भएका स्थानीय ४२ वर्षीय बाबुराम बिकको उपचारका क्रममा मृत्यु भएको हो ।

जिल्ला प्रहरी कार्यालय अर्घाखाँचीका अनुसार उनी स्थानीय रामबहादुर नेपालीको घर निमार्ण गर्ने क्रममा माथिल्लो तलाबाट खसेका थिए । त्यस लगत्तै उनलाई तत्काल अर्घाखाँची अस्पताल पुर्‍याइएको थियो। त्यहाँ चिकित्सकले उनलाई मृत घोषणा गरेका थिए ।