तनहुँको शुक्लागण्डकी नगरपालिका- ४ दुलेगौँडा हर्कपुर मोटरमार्गअन्तर्गत बेसारेगौँडा खण्डमा ट्रयाक खुलेको ३१ वर्षपछि कालोपत्र गर्न थालिएको छ । शुक्लागण्डकी नगरपालिकाले दुई करोड दुई लाख रुपैयाँ छुट्याएर सडक कालोपत्र गर्न थालेको हो ।

शुक्लागण्डकी नगरपालिकाका प्रमुख कृष्णराज पण्डितले पहिलो चरणमा आठ सय मिटर कालोपत्र र दुई सय मिटर ढलान गरिने जानकारी दिए । नगर क्षेत्रका सडक क्रमशः  स्तरोन्नति गरिने उनको भनाइ छ ।