तीनकुनेमा चैत १५ मा भएको पूर्वराजा समर्थकहरूको प्रदर्शनमा सहभागी कमल विष्टलाई प्रहरीले पक्राउ गरेको छ । ललितपुरको ठेचो घर भएका विष्ट राप्रपा नेपालका विद्रोही नेता केशरबहादुर विष्ट निकट हुन् ।

उनलाई ढोलाहिटीबाट पक्राउ गरिएको उपत्यका प्रहरी कार्यालयका एक जना अधिकृतले बताए । विष्टले सामाजिक सञ्जालमा नेपालमा श्रीलङ्का र बङ्गलादेशको शैलीमा आन्दोलन गर्ने अभिव्यक्ति दिएका छन् । उनले आईजीपी दीपक थापाबारे पनि सामाजिक सञ्जालमा अश्लील गालीगलौज गरेको आरोप छ । उनीबारे प्रहरीले अनुसन्धान गरिरहेको छ ।