काठमाडौंमा कलंकीबाट थानकोट जाँदै गरेको बसमा आगलागी भएको छ। बिहीबार दिउँसो १ बजे काठमाडौं चन्द्रागिरी नगरपालिका-१५ ढुंगेअड्डा पिपलबोटमा बा प्र ०३-०१-००५ ख ९७८६ नम्बरको बसमा आगलागी भएको हो।

पाँचपोखरी यातायातको बस फाइबर तार सर्ट भई आगलागी भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।

'आगलागी भएको २० मिनेटमै नियन्त्रणमा लिइएको थियो। तर पनि बस पूर्णरूपमा क्षति भएको छ,' एसपी बोहराले भने, 'मानवीय क्षति भने भएको छैन। यस घटनाबारे थप अध्ययन भइरहेको उनले बताए।