समाजवादी मोर्चाको चैत्र १५ गते आन्दोलनका रुटहरू सार्वजनिक गरेको छ । समाजवादी मोर्चाले राजावादीहरूले सक्रियता बढाएपछि त्यसलाई काउन्टर दिन सडक आन्दोलन गर्न लागेको हो । मोर्चाले भृकुटीमण्डपमा कार्यक्रम गर्दै छ । 

आन्दोलनका लागि नेकपा माओवादी केन्द्र, नेकपा एकीकृत समाजवादी, विप्लव नेतृत्वको नेकपा र नेपाल समाजवादी पार्टीले आन्दोलन गर्न लागेका हुन् । 

मोर्चाले सार्वजनिक गरेको रुटमा माइतीघर मण्डला नेकपा माओवादी केन्द्रको र्‍याली निस्कने छ । सो र्‍याली  बबरमहल, माइतीघर मण्डला, थापाथली, त्रिपुरेश्वर, शहिदगेट, भद्रकाली हुँदै मञ्चमा मिसिने छ । 

यस्तै, माओवादी केन्द्रले नै कुपण्डोल, थापाथली चोक, त्रिपुरेश्वर, सुनधारा, न्युरोड गेट, शान्तिबाटिका, पुरानो बसपार्क हुँदै त्रिपुरेश्वरको जुलुससँग मिसिने एउटा आन्दोलनको टोली बनाएको छ । 

अर्को टोली त्रिपुरेश्वर, सुनधारा, न्युरोड गेट, शान्तिबाटिका, पुरानो बसपार्क हुँदै मञ्च सुनधाराको जुलुससँग मिसिने बताइएको छ । यस्तै सुनधारा रुटमा  नेकपा विप्लवले नेतृत्व गर्ने छ । सुनधारा, न्युरोड गेट, शान्तिबाटिका, पुरानो बसपार्क हुँदै मञ्चमा विप्लवमा नेताहरूको टोली रहने छन् । 

न्युरोड गेटको रुटमा नसपा रहने छ । न्युरोड गेट, रत्नपार्क, भोटाहिटी, विश्वज्वति हल, घण्टाघर, पुतलीसडक, पद्मोदयमोड हुँदै मञ्च  भोटाहिटीमा सोह्र खुट्टेको जुलुससँग मिसिने बताइएको छ । 

यस्तै, सोह्रखुट्टे, शान्तिबाटिका, मैतीदेवीबाट पनि जुलुसहरू निस्कने छन् ।  नेकपा एकीकृत समाजवादी मैतीदेवी, पुतलीसडक, पद्मोदयमोड हुँदै मञ्चसम्म जुलुस निकाल्ने छ । यस्तै राजा फर्काउने आन्दोलनको नेतृत्वले पनि काठमाडौँमा कार्यक्रम गर्ने भएकाले भोली सडक व्यस्त रहने देखिन्छ ।