बिहीबार शिक्षाशास्त्र संकाय स्नातक तह तेस्रो वर्षको नतिजा प्रकाशित गरेको त्रिभुवन विश्वविद्यालयले स्नातक चौथो वर्षको परीक्षा फारम खुलाएको छ । 

त्रिवि परीक्षा नियन्त्रण कार्यालय बल्खुले गत भदौमा लिएको शिक्षाशास्त्र स्नातक तेस्रो वर्षको नियमित र आंशिक परीक्षाको नतिजा बिहीबार सार्वजनिक गरेको थियो । शुक्रबार मानविकी, व्यवस्थापन, शिक्षाशास्त्र संकाय र विज्ञान तथा प्रविधि अध्ययन संस्थाअन्तर्गत स्नातक तह चौथो वर्ष बी.ए., बी.एफ.ए., बी.बी.एस. र बी.एस्सी. तर्फको परीक्षा आवेदन फारम खुलाइएको विषयमा जानकारी दिएको हो । यद्यपि, फारममा माघ २९ गतेदेखि आवेदन दिन पाइने भनिएको छ । यसैबीच, २०८१ सालमै सञ्चालन हुने एक वर्षे बी.एड. को परीक्षा दिने आंशिक परीक्षार्थीका लागि पनि फारम खुलेको छ ।