काठमाडौँ । नेकपा (एकीकृत समाजवादी) ओखलढुंगा जिल्लाका अध्यक्ष हंशराज वाग्ले नेपाली कांग्रेसमा फर्किएका छन् । वाग्ले बिहीबार एकीकृत समाजवादी त्याग्दै नेपाली कांग्रेसमै फर्किएका हुन् ।

कांग्रेस सभापति शेरबहादुर देउवाले बुढानीलकण्ठमा माला लगाएर वाग्लेलाई पार्टीमा स्वागत गरेका छन् । वाग्ले यसअघि समाजवादीमा जानु पहिले नेपाली कांग्रेसकै जिल्ला सदस्य थिए । 

समाजवादीले उनलाई ओखलढुङ्गाको जिल्ला अध्यक्ष तथा कोसी प्रदेश कमिटी सदस्यको जिम्मेवारी दिएको थियो । नेपाल वैदेशिक रोजगार व्यवसायी संघका पूर्व अध्यक्ष समेत रहेका वाग्ले भलिबलका अन्तर्राष्ट्रिय खेलाडी समेत हुन् ।