लुम्बिनीविरुद्ध विराटनगरको रोमाञ्चक जित
विराटनगर किङ्सले नेपाल प्रिमियर लिग (एनपीएल) क्रिकेटमा पहिलो जित हात पारेको छ । विराटनगरले बुधबार खेलिएको आफ्नो तेस्रो खेलमा लुम्बिनी लायन्समाथि दुई विकेटको रोमाञ्चक जित हासिल गर्यो ।
पहिलो ब्याटिङ गर्दै लुम्बिनीले प्रस्तुत गरेको १ सय ९२ रनको लक्ष्य विराटनगरले एक बल बाँकी छँदा ८ विकेटको क्षतिमा पछ्यायो । अन्तिममा आएका क्रिस सोलले ४ बलमा २ चौका र १ छक्का हिर्काउँदै टोलीलाई रोमाञ्चक जित दिलाए ।
टोलीका लागि ओपनर लोकेश बमले सर्वाधिक ७१ रनको योगदान दिए । उनले ४७ बलमा ३ चौका र ६ छक्का प्रहार गरे । त्यस्तै, बसिर अहमदले ४० रन तथा मार्टिक गप्टिलले २८ रनको योगदान दिए ।
