अमेरिकाका नवनिर्वाचित राष्ट्रपति डोनाल्ड ट्रम्पले एलन मस्कको अन्तरिक्ष कम्पनी स्पेस एक्सको पहिलोपटक अन्तरिक्षमा घुम्न गएका अर्बपति व्यापारी ज्यारेड इसाकम्यानलाई नासाको भावी प्रमुख मनोनीत गरेका छन् ।

इसाकम्यान र एलन मस्कबिच वित्तीय सम्बन्ध भएकोले ट्रम्पको यो फैसलामाथि प्रश्न उठ्न सक्ने टिप्पणी गर्न थालिएको छ । इसाकम्यान ट्रम्पको निकटतम सल्लाहकारमध्ये एक हुन् ।

यिनी कार्ड प्रोसेसिङ कम्पनी शिफ्ट ४ पेमेन्ट्सका सीईओ र संस्थापक हुन् । सन् २०२१ मा प्रतियोगिताको विजेताको सागमा यिनी अन्तरिक्षको यात्रामा गएका थिए । सेप्टेम्बरमा पनि स्पेस एक्सको यान चढेर उनी अन्तरिक्षमा गएका थिए

यस क्रममा उनले स्पेस वाकका बेलामा लगाइने सुटको परीक्षण गर्न अन्तरिक्षमा केही कदम हिँडेका पनि थिए । सिनेटले इसाकम्यानको नियुक्तिलाई अनुमोदन गरिदियो भने उनले वर्तमान नासा प्रमुख ८२ वर्षका बिल नेल्सनको ठाउँ लिनेछन् 

फ्लोरिडाका पूर्व डेमोक्रेटिक सिनेटर नेल्सनलाई बाइडेनले नासा प्रमुख बनाएका थिए । ट्रम्पले पूर्व सैनिक र इराक युद्धका अनुभवी ड्यानियल पी. ड्रिस्कललाई अमेरिकी सेना मामिलाका मन्त्री मनोनीत गरेका छन् ।