एजेन्सी । अमेरिकाको राष्ट्रपतिमा उम्मेदवार बन्ने तरखरमा रहेका पूर्वराष्ट्रपति डोनाल्ड ट्रम्प आपराधिक मुद्दामा झुट्टो व्यापारिक अभिलेख राख्ने ३४ वटै मुद्दामा दोषी ठहर भएका छन्। 

न्युयोर्कमा भएको सुनुवाईका क्रममा ट्रम्पलाई दोषी ठहर गरिएको हो। अमेरिकाको इतिहासमै पूर्वराष्ट्रपतिलाई अपराधको सजाय सुनाइएको यो पहिलो पटक हो। आगामी जुलाई ११ तारिखमा पूर्वराष्ट्रपति ट्रम्पलाई सजाय निर्धारण गरिने भएको छ। ट्रम्प जेल जान सक्ने सम्भावना रहेको जनाइएको छ।

कानूनी विज्ञहरुले ट्रम्पलाई जरिवाना मात्रै गर्ने सम्भावना पनि रहेको बताएका हुन्। ट्रम्पले फैसलालाई अपमानजनक भन्दै मुद्दाको अध्यक्षता गर्ने न्यायाधिश माथि नै आक्रमण गरेका थिए। 

आगामी नोभेम्बरमा हुने राष्ट्रपतीय निर्वाचनमा राष्ट्रपति जो बाइडेनलाई हराएर ह्वाइट हाउसमा फर्कने ट्रम्पको अभियानलाई प्रभावित पार्ने गरी अदालतले फैसला गरेको उनका समर्थकले आरोप लगाएका छन्।