काठमाडौं । यहि वैशाख २३ गते आइतबारदेखि शुरु हुने ३ दिने कर्पोरेट सुपर सिक्सेस सिजन–७ को सम्पूर्ण तयारी पूरा भएको छ ।

आयोजकद्वय एसएस एभेन्ट्स प्राली र नेकोसले शुक्रबार नक्सालमा संयुक्त रूपमा पत्रकार सम्मेलन गर्दै तयारी पूरा भएको जानकारी दिइएको हो । एएस एभेन्ट्स प्रालीका निर्देशक सुमित रौनियारले पूरा भएको जानकारी दिनुभएको छ । पत्रकार सम्मेलनमा समूह विभाजनसँगै ट्रफी र जर्सी सार्वजनिक गरिएको थियो ।

एएस एभेन्ट्स प्रालीका निर्देशक रौनियार, प्रतियोगिता निर्देशक प्रविन जोशी, नेकोसका महासचिव धरमबहादुर लामाले संयुक्त रूपमा ट्रफी र अन्य अतिथिले जर्सी सार्वजनिक गरेका गरिएको हो । ५ ओभरमा खेलाइने प्रतियोगिता मूलपानी क्रिकेट मैदान (माथिल्लो) मा हुने भएको छ ।

सोही संस्करणमा कुल १५ कर्पोरेट हाउसले प्रतिस्पर्धा गर्ने भएको हो । सोही टोलीलाई कुल ४ समूहमा विभाजन गरिएको छ । ३ समूहमा समान ४ टोली रहने भएको हो । एक समूहमा ३ टोली मात्र प्रतिस्पर्धा गर्ने प्राविधिक संयोजक विनयकुमार झाले जानकारी दिनुभएको छ ।

शुक्रबार नै ड्र सार्वजनिक गरिएको, जसअनुसार समूह ‘ए’ मा माच्छापुच्छ्रे बैंक, क्लाउड फ्याक्ट्री, एनआइसी एसिया बैक, प्राइम बैंक तथा समूह ‘बी’ मा आइसिएफसी फाइनान्स, जगदम्बा ग्रुप, सिप्रदी र कुमारी बैंक रहेका हुन् ।

समूह ‘सी’ मा सूर्य नेपाल, आइएमइ समूह, नेपाल बैंक, एनसेल लिजेन्ड्स तथा समूह ‘डी’ मा एनसेल इलाइट्स र सुबिसी गरी ३ टोलीले मात्र प्रतिस्पर्धा गर्ने भएका छन् । प्रत्येक समूहबाट शीर्ष २ टोलीले क्वार्टरफाइनलमा स्थान बनाउने भएका हुन् । प्रतियोगिता लिगकम नकआउटका आधारमा सञ्चालन हुने भएको छ ।

सोही सिजनको विजेता, उपविजेताले ट्रफी र गिफ्ट ह्याम्पर पाउने भएका हुन् । विजेताले आगामी सिजन फ्रि इन्ट्री पाउने आयोजकले जनाएको छ । प्लेयर अफ दी टुर्नामेण्ट, बेस्ट ब्याट्सम्यान, बेस्ट बलर, बेस्ट फिल्डर र वेस्ट विकेटकिपरले पनि पुरस्कार पाउने भएका हुन् ।

आयोजकका अनुसार सर्वाधिक छक्का प्रहार गर्ने खेलाडी, हिट बोर्ड र फेयर प्ले अवार्ड पनि प्रदान गरिने भएको छ । सन् २०१४ शुरु भएको कर्पोरेट सुपर सिक्सेसको छैटौं सिजनसम्म एसएस एभेन्ट्सले नै आयोजना गर्दै आएको थियो । सातौं सिजनदेखि नेकोस जोडिएको हो ।