काठमाडौं । प्रमुख प्रतिपक्ष दल नेपाली कांग्रेसले सहकारी प्रकरणमा उपप्रधान एवं गृहमन्त्री रवि लामिछानेमाथि छानबिन गर्न संसदीय समिति बनाउनुपर्ने माग कायम राखेको छ ।

सिंहदरबारमा मंगलबार सभामुख देवराज घिमिरेले प्रमुख राजनीतिक दलका शीर्ष नेताहरुसँग गर्नुभएको छलफलपछि सञ्चारकर्मीसँग कुरा गर्दै कांग्रेसका प्रमुख सचेतक रमेश लेखकले यस्तो बताउनुभएको हो । उहाँले बैठकमा संघीय संसदको आगामी अधिवेशनका बारेमा छलफल भएको र कांग्रेसले संसदीय छानबिन समिति हुनुपर्ने मागलाई यथावत राखेको बताउनुभएको छ ।

सभामुख घिमिरेले सरकार संघीय संसदको आगामी अधिवेशनमा प्रस्तुत हुँदा सहकारीमा वचतकर्ताहरुले वचत गरेको रकम फिर्ता गर्नका लागि गम्भीर भएर लाग्नेमा आशावादी रहेको बताउनुभयो । उहाँले सहकारीको रकम हिनामिनामा गृहमन्त्री लामिछानेको संलग्नता रहेको देखिएको बताउनुभएको छ । सरकारले सहकारी पीडितहरुको विषयलाई गम्भीरतापूर्वक नलिएको र समस्या सम्बोधन नगरेको उहाँले दावी गर्नुभएको हो ।

सभामुख घिमिरेले संसदीय छानबिन समिति बनाउनुको विकल्प नरहेको बताउनुभयो ।