एजेन्सी । भारतको दिल्लीका मुख्यमन्त्री अरविन्द केजरीवाललाई शुक्रबार सर्वोच्च अदालतले अन्तरिम जमानत दिएको छ ।

सर्वोच्च अदालतले मनी लाउन्ड्रिङ मुद्दामा केजरीवाललाई आगामी जुन १ तारिखसम्म अन्तरिम जमानत दिएको भारतीय संचार माध्यमहरूले उल्लेख गरेका हुन् । न्यायाधीश सञ्जीव खन्नाको नेतृत्वमा रहेको इजलासले केजरीवाललाई जमानत दिएको हो ।

मुख्यमन्त्री केजरीवाललाई दिल्लीको मदिरा नीतिमा अनियमितता गरेको आरोपमा गत मार्च २१ तारिखमा प्रहरीले पक्राउ गरेको थियो ।