काठमाडौं । कोशी प्रदेशका मुख्यमन्त्री हिक्मत कार्कीले अहिलेको सत्ता समीकरण २०८४ को चुनावसम्म टिक्ने दावी गर्नुभएको छ ।

प्रदेश प्रमुखको कार्यालयमा नवनियुक्त मन्त्रीहरूको पद तथा गोपनीयताको शपथ ग्रहण कार्यक्रमपछि शशुक्रबार सञ्चारकर्मीसँग कुरा गर्दै उहाँले यस्तो दावी गर्नुृभएको हो । अबको साढे २ वर्षसम्म यहि सत्ता समीकरण कायम हुने, नयाँ शक्ति सन्तुलनको शुरुवात भएकोले चुनावसम्म अबको यात्रा नटुट्ने र टुट्न पनि नदिने उहाँको भनाइ थियो ।

अब प्रदेशले पनि राजनीतिक स्थायित्व पाउने र सरकारको पहिलो प्राथमिक्ता शुसासन रहेको उहाँको तर्क छ । मुख्यमन्त्री कार्कीले केन्द्रमा फेरिएको शक्ति सन्तुलनमा संलग्न दलहरुलाई सरकारमा सहभागी गराउनका लागिउद्योग, कृषि तथा सहकारी मन्त्रालय आफैंले राखेको प्रष्ट पार्नुभयो ।

कोशीमा अहिले नेकपा एमाले र नेकपा माओवादी केन्द्रको समीकरण रहेको छ । मुख्यमन्त्री कार्कीले तत्काल सरकारको प्राथमिकता नीति तथा कार्यक्रम र बजेट निर्माण गर्ने काम रहेको पनि बताउनुभएको हो ।

कोशीमा कार्की नेतृत्वको सरकारलाई समर्थन गरेका एकीकृत समाजवादी र जनता समाजवादी पार्टी सरकारमा आएका छैनन् । जसपाकी निर्मला लिम्ब मन्त्रीको दौडमा भए पनि एकीकृत समाजवादी भने प्रतिपक्षमा बसेको हो ।