तनहुँ १ मा हुने उपनिर्वाचनका लागि राष्ट्रिय स्वतन्त्र पार्टीले उम्मेदवार तय गरेको छ । त्यहाँबाट बिहीबार मात्र पार्टी प्रवेश गरेका डा. स्वर्णिम वाग्ले चुनाव लड्ने निश्चित भएको हो ।

रास्वपाले बिहीबार उम्मेदवारको प्रारम्भिक सूची सार्वजनिक गर्दा तीन जनाको नाम थियो । अन्य दुई जनाले आफ्नो नाम फिर्ता लिएपछि डा. वाग्लेलाई उम्मेदवार बनाउने तय भएको रास्वपाका प्रवक्ता डा. मुकुल ढकालले जानकारी दिएका छन् । 

उनले भनेका छन्, ‘उम्मेदवारहरूको छलफलपछि, अन्य उम्मेदवार सबैले स्वर्णिम वाग्लेलाई समर्थन गर्नु भएको छ र प्रारम्भिक निर्वाचनका लागि उहाँको उम्मेदवारी अब निर्विरोध भएको छ ।’