श्रीलंकामा रहेका परराष्ट्र मन्त्री नारायण खड्का र भारतीय समकक्षी एस जयशंकरबीच भेटवार्ता भएको छ। 

परराष्ट्र मन्त्रालयले मंगलबार कोलोम्बोमा दुई मन्त्रीबीच भेट भएको र दुई पक्षीय सम्बन्धका विविध आयामबारे छलफल भएको जनाएको छ। 

खड्का र जयशंकर बिमस्टेकको मन्त्रिस्तरीय बैठकमा सहभागी हुन कोलम्बो पुगेका हुन्।

जयशंकरले मंगलबार ट्वीट गर्दै रामायण सर्किटलाई अघि बढाउने विषयमा ध्यान दिन छलफलसमेत भएको जानकारी दिएका छन्।