खोटाङमा बुवाको हत्या गरेको आरोपमा छोरालाई प्रहरीले पक्राउ गरेको छ।

आइतबार बिहान करिब ४ बजे दिक्तेल रुपाकोट मझुवागढी नगरपालिका वडा नम्बर २ सोल्माका ७५ वर्षीय चन्द्रबहादुर राईको हत्या भएको जिल्ला प्रहरी कार्यालयका प्रहरी निरीक्षक अमरप्रसाद गजमेरले जानकारी दिए।

बुवाको हत्या गरेको आरोपमा प्रहरीले उनका ३७ वर्षीय छोरा सुवर्ण राईलाई पक्राउ गरेको हो। उनलाई प्रहरीले सोही वडाको अल्छेढुंगाबाट भागेको अवस्थामा पक्राउ गरेको गजमेरले बताए।

राईले बुवाको हत्या किन गरेका हुन् भन्ने खुलेको छैन। चन्द्रबहादुरको घरको आँगनमा हत्या भएको थियो।