जिप दुर्घटना हुँदा एकको मृत्यु
कालिकोटबाट सुर्खेत आउँदै गरेको जीप दुर्घटना भएको छ । कर्णाली राजमार्गको रामाघाट नजिकै जिप दुर्घटना हुँदा एक जनाको मृत्यु भएको छ भने १० जना घाइते भएको इलाका प्रहरी कार्यालय दुल्लुका प्रहरी निरीक्षक खिम खड्काले जानकारी दिएका छन् ।
सुर्खेत आउँदै गरेको कर्णाली प्रदेश ०२ ००१ ख ०२४७ नम्बरको जिप कालिकोटबाट १६ जना यात्रु लिएर हिँडेको थियो । जिपमा सवार रहेका एक जनाको मुत्यु भएको छ भने १० जना घाइते भएका छन् ।
घाइते १० जनामध्ये ७ जनाको अवस्था गम्भीर रहेको भन्दै प्रदेश अस्पताल कालागाउँ पठाएको जिल्ला प्रहरी कार्यालयका सूचना अधिकारी इन्द्रजित सुनारले बताए । सुनारका अुनसार अन्यको अवस्था सामान्य रहेको उनको भनाइ छ । प्रहरीका अनुसार जीप सडकबाट तल खसेको बताएको छ ।
