भारतमा कोभिड१९ को बढ्दो संक्रमण र नेपालमा उच्च सतर्कता अपनाउन बारे भूगोलपार्क डट कमले अनलाइन मत सर्वेक्षण गर्दै
सोमबार भारतको स्वास्थ्य तथा परिवार कल्याण मन्त्रालयले सार्वजनिक गरेको तथ्यांकअनुसार पछिल्लो २४ घण्टामा ४६ हजार ९५१ जना नयाँ संक्रमित फेला परेका छन् । २४ घण्टाको अवधिमा २१२ जनाको कोरोना संक्रमणका कारण मृत्यु भएको छ । पछिल्लो एक सातामा मात्र भारतमा कोरोनाका दुई लाख ६० हजार नयाँ संक्रमित थपिएका छन् । जसमध्ये ७० प्रतिशत भन्दा बढी महाराष्ट्रका छन् । भारतीय स्वास्थ्य विशेषज्ञहरुले लापरबाहीका कारण पछिल्लो समय कोरोना संक्रमण बढिरहेको बताएका छन् ।
केहीले भने कोरोनाको नयाँ प्रकार ९भेरियन्ट० का कारण संक्रमण बढेको पनि बताएका छन् । यद्यपि अहिलेसम्म के कारणले संक्रमण बढ्यो भन्ने पुष्टि भएको छैन ।
अहिलेसम्म भारतमा कोरोनाबाट एक करोड १६ लाखभन्दा धेरै मानिस संक्रमित भइसकेका छन् भने करिब एक लाख ६० हजार जनाको मृत्यु भइसकेको छ । मार्च १५ देखि २१ सम्मको एक सातामा अघिल्लो साताको तुलनामा नयाँ संक्रमितको संख्या एक लाखले बढेको छ । स्वास्थ्य सेवामा देखिएको अव्यवस्था र मानिसहरुको लापरबाहीका कारण कोरोना संक्रमण बढेको निश्कर्ष निकालेर केही राज्यले सामाजिक गतिविधिमा कडाइ सुरु गरेका छन् ।
भारतका दिल्ली, महाराष्ट्र, तामिलनाडू, पन्जाब, मध्य प्रदेश, गुजरात, कर्नाटक र हरियाणामा कोरोना भाइरसको संक्रमण तीव्र गतिमा फैलिरहेको छ ।
संक्रमणलाई नियन्त्रमा लिन मध्य प्रदेशको भोपाल, इन्दोर र जबलपुरमा पूरै लकडाउन गरिएको जनाइएको छ । महाराष्ट्रको नागपुरमा आउँदो १८ गतेसम्मका लागि लकडाउन लम्ब्याइएको बताइएको छ । गुजरात र पन्जाबका केही सहरमा रात्रिकालिन कर्फ्यु लगाइएको छ । भारतमा पछिल्लो तीन दिनमा एक लाखभन्दा धेरैलाई कोरोना संक्रमण पुष्टि भएको छ ।
त्यहाँ कार्यरत नेपाली स्वदेश फर्कने संभावना बढेकोले नेपालमा पनि संक्रमण फैलन सक्ने भन्दै उच्च सतर्कता अपनाउन विज्ञले सुझाव दिएका छन् ।
यसै बिषयमा नेपालको पहिलो र एकमात्र मत सर्वेक्षण संस्था भूगोलपार्क डट कमले मत सर्वेक्षण सुरु गरेको छ । यस संस्थाले नेपालमा हालसम्म ४८ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ । भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ ।
मत सर्वेक्षणमा १ शीर्षक र डेमोग्राफिक्समा ५ प्रशनहरु छन् ।
यी प्रश्नहरुले महामारी पछिल्लो समय मानिसहरुको त्यति महत्वको विषयमा नपर्नु,कोभिडको संक्रमण विश्वव्यापी रुपमा बढिरहेको र भारतमा झनै भयाावह रहेको अवस्थामा नेपालमा यसको संक्रमणदर अरु फैलन नदिन सरकारले कस्तो नीति अख्तियारी गर्नुपर्ने, खोप खरिद प्रक्रियामा भइरहेको ढिलाइ जस्ता कुराहरु समेटेका छन् ।
