कोरोनाविरुद्धको खोप लगाउने अभियान देशभर सुरु हुने विषयमा भूगोलपार्क डट कमले अनलाइन मत सर्वेक्षण गरेको नतिजा
भारतले अनुदानमा दिएको १० लाख डोज कोभिड १९ विरुद्दको खोप नेपालले प्राप्त गरेको छ । कोरोनाले जनजीवन र अर्थतन्त्र अस्तव्यस्त बनाएको बेला यसले केही आशा भने जगाएको छ। यद्यपी यसको प्रभावकारिता र प्रयोगबारे भने केही अन्यौल भने कायमै छ।
पहिलो चरणमा करिब ४ लाख ५० हजार फ्रन्टलाइनरहरुलाई खोप लगाउने र अर्को चरणको खोप ल्याउने प्रयासमा पनि सरकार लागिपरेको प्रधानमन्त्री केपी शर्मा ओलीले शुक्रबार नै जानकारी दिइसक्नु भएको छ । भारत सरकारले नेपाललाई उपल्क्ब्ध गराएको १० लाख डोज कोभिड खोप अहिले टेकुस्थित केन्द्रीय भण्डारण केन्द्रमा राखिएको छ । खोप लगाउने व्यक्तिहरुको जिल्लागत विवरण यकिन गर्दै उक्त खोप् प्रदेश प्रदेश पठाउने मन्त्रालयको तयारी भैरहेको छ ।
पहिलो चरणमा उपत्यकामा १० केन्द्रीय अस्पताल, सात प्रदेश र ७७ जिल्लामा करिब ३०० विभिन्न अस्पतालबाट खोप लगाइने छ । माघ १४ देखि १८ गते भित्र खोप अभियान सुरु गरिसक्ने स्वास्थ्य मन्त्री हृदयेश त्रिपाठीले जानकारी दिनु भएको छ । देशभर दैनिक ३० हजारलाई खोप दिइने तयारी छ ।
स्वास्थ्यकर्मी सुरक्षाकर्मी लगायतलाई लगाएर बाँकी भएको खोप ६० बर्ष माथिका वृद्धवृद्धालाई दिने स्वास्थ्य मन्त्रालयले जनाएको छ । हाल विश्वमा उपलब्ध कोरोना बिरुद्रको खोप १४ बर्ष मुनिका बालबालिकामा परीक्षण नभएको र बालबालिका कोरोना जोखिम समूहमा नपर्ने भएकाले १४ बर्ष मुनिकालाई कोरोना खोप दिइने छैन ।
खोप लगाएको केही हप्तापछि मात्र शरीरमा एन्टीबडी बन्ने हुँदा कोरोना बिरुद्रको खोप अभियान सुरु भए पनि मास्क लगाउने, सामाजिक दूरी, सरसफाइ र खानेकुरामा ध्यान दिन बिज्ञहरुले सुझाव दिएका छन् ।
यसै विषयमा पालको पहिलो र एकमात्र मत सर्वेक्षण संस्था भूगोलपार्क डट कमले मत सर्वेक्षण सुरु गरेको छ । यस शीर्षक मा माघ १२ गते मत सुरु गरेको हो। यस संस्थाले नेपालमा हालसम्म ३३ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ । भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ ।
मत सर्वेक्षणमा १ शीर्षक र डेमोग्राफिक्समा ५ प्रशनहरु छन् । यी प्रश्नहरुले भारत सरकारले नेपाललाई अनुदानमा दिएको कोभिसिल्ड पहिलो चरणमा फ्रन्टलाईनरलाई मात्र दिने नेपाल सरकारको निर्णयमा धारणा, कोभिड १९ विरुदको खोप पछि यसले नेपालको अर्थतन्त्रमा कस्तो असर पार्ला जस्ता कुराहरु समेटेका छन् ।
यही शीर्षकको हालसम्मको मत नतिजा आउन सुरु भएको छ ।
बेलायतको अक्सफोर्ड युनिभर्सिटी र औषधी निर्माता कम्पनीले विकास गरि अहिले भारतले निर्माण गरिरहेको कोभिड १९ विरुदकोखोप ञकोभिसिल्ड’को प्रभावकारीता नेपालमा कस्तो रहला रु भनि सोधिएको प्रश्रमा हाल सम्म २५ प्रतिशतले राम्रो सँग काम गर्छ,४१.६७ प्रतिशतले प्रयोगपछि मात्र भन्न सकिन्छ,० प्रतिशतले जनस्वास्थ्यमा नकारात्मक असर पार्न सक्छ,३३.३३ प्रतिशतले खासै ज्ञान भएन भनि अभिमत दिएका छन्।
भारत सरकारले नेपाललाई अनुदानमा दिएको कोभिसिल्ड पहिलो चरणमा फ्रन्टलाईनरलाई मात्र दिने नेपाल सरकारको निर्णय कस्तो लाग्यो ? भनि सोधिएको प्रश्रमा हाल सम्म ३३.३३ % प्रतिशतले सरहानीय कदम,३३.३३ % प्रतिशतले स्वास्थ्यकर्मीको मनोवल बढ्नेछ,० % प्रतिशतले संक्रमणदर घटाउन सहयोग पुग्नेछ,३३.३३ % प्रतिशतले छिमेकी देशको देखासिकी भनि अभिमत दिएका छन्।
कोभिड १९ विरुदको खोप लगाउने वा नलगाउने भन्नेमा अन्यौल किन देखिएको होला ? भनि सोधिएको प्रश्रमा हाल सम्म ३३.३३ % प्रतिशतले प्रभावकारिता बारे पूर्ण परिक्षण हुन नपाएकोले,८.३३ % प्रतिशतले चिकित्सकहरुको नै एकमत नभएकोले,२५ % प्रतिशतले स्वास्थ्यमा असर पर्न सक्ने आशंकाले,३३.३३ % प्रतिशतले आशंका नगरी निर्धक्क लगाउँदा हुन्छ भनि अभिमत दिएका छन्।
नेपाल जस्तो विकासोन्मुख देशले यति छोटो समयमै कोभिड १९ विरुदको खोप प्राप्त गर्नुलाई तपाई के भन्नुहुन्छ ? भनि सोधिएको प्रश्रमा हाल सम्म ४१.६७ % प्रतिशतले छिमेकी देशको सदाशयता,१६.६७ % प्रतिशतले सरकारको उचित पहलका कारण,८.३३ % प्रतिशतले मागेपछि पाईहालिन्छ नी,३३.३३ % प्रतिशतले जनताप्रति उत्तरदायी सरकार भनि अभिमत दिएका छन्।
कोभिड १९ विरुदको खोप पछि यसले नेपालको अर्थतन्त्रमा कस्तो असर पार्ला ? भनि सोधिएको प्रश्रमा हाल सम्म ४१.६७ % प्रतिशतले अर्थतन्त्र चलायमान र सुदुढ हुनेछ,८.३३ % प्रतिशतले पर्यटन क्षेत्रलाई सरकारात्मक असर पार्नेछ,८.३३ % प्रतिशतले खोपको मात्रा सबैको पहुँचमा पुग्ने भए पो,४१.६७ % प्रतिशतले खोपको प्रभाव पछि मात्र भन्न सकिन्छ भनि अभिमत दिएका छन्।
मतदान गर्नको लागी :
