कोरोनाविरुद्धको खोप लगाउने अभियान देशभर सुरु हुने विषयमा भूगोलपार्क डट कमले अनलाइन मत सर्वेक्षण गर्दै
बिहीबार नेपाल आइपुगेको कोरोना भाइरसविरुद्धको खोप लगाउने अभियानको आरम्भ माघको दोस्रो साताबाट सुरु हुने भएको छ । सरकारले सातवटै प्रदेशमा खोप लगाउने अभियानलाई व्यवस्थित गर्न प्रदेश स्तरको व्यवस्थापनलाई चुस्त र दुरुस्त बनाउने भएको छ ।
स्वास्थ्य मन्त्रालयले कोभिड विरुद्धको खोप माघ दोस्रो साताबाट लगाउने अभियान आरम्भ गर्ने भएको छ । कोरोना खोप अभियानको तयारी गर्दै व्यवस्थापनमा प्रदेश स्तरको लागि ७ जना संयोजक समेत तोकिएको मन्त्रालयले जनाएको छ ।
पहिलो चरणमा करिब ४ लाख ५० हजार फ्रन्टलाइनरहरुलाई खोप लगाउने र अर्को चरणको खोप ल्याउने प्रयासमा पनि सरकार लागिपरेको प्रधानमन्त्री केपी शर्मा ओलीले शुक्रबार नै जानकारी दिइसक्नु भएको छ । भारत सरकारले नेपाललाई उपल्क्ब्ध गराएको १० लाख डोज कोभिड खोप अहिले टेकुस्थित केन्द्रीय भण्डारण केन्द्रमा राखिएको छ । खोप लगाउने व्यक्तिहरुको जिल्लागत विवरण यकिन गर्दै उक्त खोप् प्रदेश प्रदेश पठाउने मन्त्रालयको तयारी भैरहेको छ ।
पहिलो चरणमा उपत्यकामा १० केन्द्रीय अस्पताल, सात प्रदेश र ७७ जिल्लामा करिब ३०० विभिन्न अस्पतालबाट खोप लगाइने छ । माघ १४ देखि १८ गते भित्र खोप अभियान सुरु गरिसक्ने स्वास्थ्य मन्त्री हृदयेश त्रिपाठीले जानकारी दिनु भएको छ । देशभर दैनिक ३० हजारलाई खोप दिइने तयारी छ ।
स्वास्थ्यकर्मी सुरक्षाकर्मी लगायतलाई लगाएर बाँकी भएको खोप ६० बर्ष माथिका वृद्धवृद्धालाई दिने स्वास्थ्य मन्त्रालयले जनाएको छ । हाल विश्वमा उपलब्ध कोरोना बिरुद्रको खोप १४ बर्ष मुनिका बालबालिकामा परीक्षण नभएको र बालबालिका कोरोना जोखिम समूहमा नपर्ने भएकाले १४ बर्ष मुनिकालाई कोरोना खोप दिइने छैन ।
खोप लगाएको केही हप्तापछि मात्र शरीरमा एन्टीबडी बन्ने हुँदा कोरोना बिरुद्रको खोप अभियान सुरु भए पनि मास्क लगाउने, सामाजिक दूरी, सरसफाइ र खानेकुरामा ध्यान दिन बिज्ञहरुले सुझाव दिएका छन् ।
कोरोनाविरुद्ध खोपको अन्य देशमा मिश्रित नतिजा आएकोले नेपालमा प्रयोग हुने खोपको प्रभाव हेर्न बाकी छ । यसै सम्बन्धी नेपालको पहिलो र एकमात्र मत सर्वेक्षण संस्था भूगोलपार्क डट कमले मत सर्वेक्षण सुरु गरेको छ । यस संस्थाले नेपालमा हालसम्म ३३ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ । भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ ।
मत सर्वेक्षणमा १ शीर्षक र डेमोग्राफिक्समा ५ प्रशनहरु छन् ।
यी प्रश्नहरुले भारत सरकारले नेपाललाई अनुदानमा दिएको कोभिसिल्ड पहिलो चरणमा फ्रन्टलाईनरलाई मात्र दिने नेपाल सरकारको निर्णयमा धारणा, कोभिड १९ विरुदको खोप पछि यसले नेपालको अर्थतन्त्रमा कस्तो असर पार्ला जस्ता कुराहरु समेटेका छन् ।
मतदान गर्नको लागी :
